Ukrayna ordusu Rusiyada raket sistemləri istehsal edən zavoda hava zərbələri endirib
Kiyev, 16 avqust, AZƏRTAC
Avqustun 16-da gecə Ukrayna Müdafiə Qüvvələri Rusiyanın Rostov vilayətinin Kamensk-Şaxtinski şəhərindəki “Kamenski” hərbi zavoduna hava zərbəsi endirib.
AZƏRTAC xəbər verir ki, bu barədə Ukrayna Silahlı Qüvvələri Baş Qərargahının “Telegram” kanalında məlumat yayılıb.
Müəssisədə yanğın baş verdiyi bildirilib və zərərin miqyası müəyyənləşdirilir.
“Kamenski” zavodu “Uraqan”, “Smerç” və “Tornado-S” çoxnövlü raket sistemləri, eləcə də bir sıra raket sistemləri və havadan atılan raketlər üçün bərk yanacaq istehsal edən müdafiə sənayesi müəssisəsidir. Şirkətin məhsulları Rusiya Silahlı Qüvvələrinin ehtiyaclarını ödəmək üçün istifadə olunur.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
