BAKIDA ELEKTRON ATS-LƏRİN XÜSUSİ ÇƏKİSİ 76 FAİZƏ ÇATMIŞDIR

04.11.2006 [12:15]
Çap et
A⁺ A^-

AZƏRTAC xəbər verir ki, Bakı Telefon Rabitə İstehsalat Birliyinin (BTRİB) kollektivi ilin 9 ayında 40-dan çox obyekt üzrə EATS-lərin tutumlarını 45 min nömrədən çox artırmışdır.

Hazırda Şəbəkədə Multi Servis abunə konsentratorlarının quraşdırılması və digər stansiyaların istifadəyə verilməsi üçün işlər davam etdirilir.

İstismar olunan bütün S-12, NGN, C&C08 və DMS tipli EATS-lərdə şəhərlərarası danışıq borcuna görə nömrələrin avtomatik açılıb-bağlanması və lokal danışıqların tam qeydiyyatının aparılması təmin olunmuş və ATS-lərin elektrik qida qurğularının normal vəziyyətə gətirilməsi üçün Müşfiq, Zabrat, Albalılıq, Maştağa və Pirşağı kənd EATS-lərində yeni dizel-generatorlar quraşdırılmışdır. Nəticədə BTRİB şəbəkəsinin 75,9 faizi elektronlaşmışdır.

Qəza vəziyyətində olan 400-dən artıq dirək dəyişdirilmiş və ya təmir olunaraq texniki normaya gətirilmişdir.