CƏMİYYƏT
Bakıda keçiriləcək konfrans yoxsulluğun azaldılması kimi məsələlərin həlli üzrə əməkdaşlığın genişlənməsinə imkan verəcək
![Bakıda keçiriləcək konfrans yoxsulluğun azaldılması kimi məsələlərin həlli üzrə əməkdaşlığın genişlənməsinə imkan verəcək](/files/2023/3/1200x630/17001200581807832331_1200x630.jpg)
Bakı, 16 noyabr, AZƏRTAC
"Gələn həftə Bakıda keçiriləcək İslam Əməkdaşlıq Təşkilatına (İƏT) üzv dövlətlərin əmək nazirlərinin V Konfransı üzv ölkələr arasında əmək, məşğulluq, sosial müdafiə sahələrində əməkdaşlığın genişlənməsinə öz töhfəsini verəcək".
AZƏRTAC xəbər verir ki, bunu əmək və əhalinin sosial müdafiəsi nazirinin müavini Anar Kərimov İslam Əməkdaşlıq Təşkilatına üzv dövlətlərin Əmək Nazirlərinin Bakıda keçiriləcək 5-ci konfransı barədə keçirilən brifinqdə deyib.
"İƏT-ə üzv dövlətlərin əmək nazirlərinin bu il noyabrın 21-23-də Bakıda keçiriləcək V Konfransının təşkilata üzv ölkələrin sosial sahənin, o cümlədən əmək bazarının inkişaf etdirilməsi, məşğulluq, işsizliyin aradan qaldırılması, yoxsulluğun azaldılması, insan kapitalının inkişafı, əmək miqrasiyası kimi məsələlərin həlli üzrə əməkdaşlıq əlaqələrinin genişləndirilməsinə, bu sahələrdə faydalı məlumat və təcrübə mübadilələrinə imkan yaradacaq", - deyə nazir müavini qeyd edib.