BAKIDA TÜRK ŞƏHİDLƏRİNİN XATİRƏSİ ANILMIŞDIR
AZƏRTAC xəbər verir ki, Türkiyənin ölkəmizdəki səfirliyinin əməkdaşları, Türk Sənayeçi və İş Adamları Beynəlxalq Cəmiyyətinin (TÜSİAB), Azərbaycan Türkiyə İş adamları Birliyinin (ATİB) üzvləri Türk Şəhidliyi günü münasibətilə martın 18-də Şəhidlər xiyabanına gələrək, 1918-ci ildə Azərbaycanın müstəqilliyi uğrunda mübarizədə canından keçmiş türk şəhidlərinin xatirəsinə ucaldılmış abidəni ziyarət etmişlər.
Müdafiə Nazirliyinin nümunəvi hərbi orkestrinin ifasında Azərbaycanın və Türkiyənin dövlət himnləri səslənmişdir. Türkiyənin ölkəmizdəki səfiri Turan Moralı abidənin önünə əklil qoymuş, şəhidlərin xatirəsi bir dəqiqəlik sükutla yad edilmişdir.
Səfir T.Moralı xatirə kitabına ürək sözlərini yazmışdır.
Daha sonra Azərbaycan Respublikasının müstəqilliyi və ərazi bütövlüyü uğrunda canından keçmiş şəhidlərin məzarları üzərinə gül dəstələri düzülmüş, “Əbədi məşəl” abidəsinin önünə əklil qoyulmuşdur.
Bölmənin digər xəbərləri
