BAKIDAKI 268 NÖMRƏLİ MƏKTƏBDƏ GÖRÜŞ
Mehriban xanım Əliyeva və qonaqlar ayrı-ayrı siniflərlə, idman salonu, məktəb yeməkxanası ilə tanış oldular, istedadlı uşaqların rəsm əsərlərinə və tikiş nümunələrinə baxdılar.
Şagirdlərin söylədikləri şerləri maraqla qarşılayan qonaqlar burada təhsil alan uşaqların istedadlarına heyran qaldıqlarını söylədilər.
Məktəbin direktoru Seyfəddin Mustafayev məlumat verdi ki, belə istedadlı uşaqların müxtəlif sənətə sahib olmaları üçün burada geniş şərait yaradılacaqdır. Hazırda məktəbdə 500-ə yaxın şagird təhsil alır. Onlardan 120 nəfərdən çoxu hər gün dərs keçir, qalanları isə evlərində təhsilə cəlb olunmuşdur.
Sonra “Azərbaycan Mədəniyyətinin Dostları” Fondunun prezidenti Mehriban xanım Əliyevanın iştirakı ilə keçirilən “dəyirmi masa”da uşaqların təhsili, təlim-tərbiyəsi və müayinəsi ilə bağlı problemlərə kömək göstərmək məsələləri müzakirə olundu.
Bölmənin digər xəbərləri
