Bakının “Lokomotiv” klubu əcnəbi voleybolçunu heyətinə cəlb edib
Bakı, 14 oktyabr, AZƏRTAC
Bakının qadınlardan ibarət “Lokomotiv” klubu daha bir əcnəbi voleybolçunu heyətinə cəlb edib.
AZƏRTAC xəbər verir ki, “Lokomotiv” Dominikan Respublikası yığmasının oyunçusu, libero Brenda Kastillo ilə birillik müqavilə imzalayıb.
2012-2015-ci illərdə “Rabitə” klubunda çıxış etmiş dominikanlı voleybolçudan əvvəl “Lokomotiv” Özge Kırdar Çemberci (Türkiyə), Kanani Danielson (ABŞ), Hana Çutura (Xorvatiya), Yana Əzimova (Azərbaycan), Berit Kauffeldt (Almaniya) və Yaroslava Pencova (Slovakiya) ilə anlaşıb. Klub, həmçinin çexiyalı Aneta Havlikova və serbiyalı Aleksandra Srnçeviç ilə müqavilələrin müddətini artırıb.
Bundan başqa, ötən il ikiillik anlaşma imzalanan Oksana Kiselyova, Ayşən Abduləzimova və Ülkər Kərimova (hər üçü Azərbaycan) da komandada çıxışını davam etdirəcək.
Bölmənin digər xəbərləri
