Banklar Assosiasiyası IT və ödəniş sistemləri əməkdaşları üçün vebinar keçirib
Bakı, 6 aprel, AZƏRTAC
Azərbaycan Banklar Assosiasiyası (ABA) maliyyə maarifləndirməsi tədbirləri çərçivəsində bank əməkdaşlarının bilik və bacarıqlarının artırılması istiqamətində mütəmadi vebinarlar keçirir.
ABA-dan AZƏRTAC-a bildirilib ki, növbəti vebinar bankların informasiya texnologiyaları və rəqəmsal ödənişlər sahələrində çalışan nümayəndələri üçün təşkil edilib. Vebinar “Məlumat ötürmə şəbəkələrinin işi və monitorinqinin sabitliyinin təmin edilməsi” mövzusunda “Inoventica” şirkətinin beynəlxalq əməkdaşlıq üzrə rəhbəri Kseniya Çekunovanın, “IT infrastrukturundakı nasazlıqların qarşısını necə almaq olar?” mövzusunda “MONQ AIOps” şirkətinin icra şöbəsinin rəhbəri Serqey Radçenkonun və “Mobil elektron imza: müştərinin işini asanlaşdırmaq və bankdakı təhlükəsizlik səviyyəsini artırmaq” mövzusunda “Safe Guard” şirkətinin layihə rəhbəri Artyom Fomiçevin çıxışlarını əhatə edib.
Bölmənin digər xəbərləri
