Banqladeşdə ildirım vurması nəticəsində toy mərasiminin 17 iştirakçısı ölüb
Bakı, 5 avqust, AZƏRTAC
Banqladeşdə ildirım toy mərasiminin azı 17 iştirakçısının həyatına son qoyub.
AZƏRTAC xəbər verir ki, bu barədə BBC News telekanalı rəsmi şəxslərə istinadla məlumat yayıb. Həmçinin 14 nəfər, o cümlədən bəy xəsarət alıb.
Şibhanc şəhərində qayıqdan enərək gəlinin evinə gedən qonaqlar ildırım zərbələrinə tuş gəlib.
Qeyd edək ki, hər il Cənubi Asiya ölkələrində yüzlərlə insan ildırım vurması nəticəsində həyatını itirir. 2016-cı ilin may ayında bu səbəbdən 200-dən çox insan ölüb.
Bölmənin digər xəbərləri
