“Barselona” bir daha “Ayaks”a müraciət etmək fikrindədir
Bakı, 18 fevral, AZƏRTAC
İspaniyanın “Barselona” futbol klubu bir daha Hollandiyanın “Ayaks” komandasına müraciət etmək fikrindədir.
AZƏRTAC xarici KİV-lərə istinadla xəbər verir ki, Kataloniya təmsilçisi hollandiyalı müdafiəçi Mattis de Liqti heyətinə qatmaq istəyir. Bu barədə klubun prezidenti Xosep Bartomeu İspaniya mətbuatına açıqlamasında bildirib. İspanlar gənc futbolçu üçün yaxın zamanlarda Hollandiya komandası ilə danışıqlara başlayacaqlar.
Qeyd edək ki, hollandiyalı müdafiəçi ilə Almaniyanın “Bavariya” və İtaliyanın “Yuventus” klubları da maraqlanır.
Mattis de Liqt cari mövsümdə “Ayaks”ın heyətində 35 oyunda 3 dəfə fərqlənib.
Qeyd edək ki, qış transfer pəncərəsində “Barselona” klubu “Ayaks”dan Frenki Deyonqu transfer edib.
Bölmənin digər xəbərləri
