“Barselona” klubu Xordi Albanın transferi üçün rekord məbləğ müəyyən edib
Bakı, 1 mart, AZƏRTAC
“Barselona” futbol klubu müdafiəçi Xordi Alba ilə hazırkı müqavilənin müddətinin daha beş il uzadılması barədə razılığın əldə olunduğunu açıqlayıb.
AZƏRTAC klubun saytına istinadla xəbər verir ki, yeni müqaviləyə əsasən, futbolçunun sərbəst qalması üçün tələb edilən məbləğin 500 milyon avro müəyyənləşdirildiyi bildirilib. Müqavilənin yaxın günlərdə imzalanması nəzərdə tutulur.
Kataloniya təmsilçisinin heyətində yeddinci mövsümünü keçirən X.Alba bu klubun forması ilə meydana çıxdığı 282 matçda 14 qol vurub. O, bu müddətdə “Barselona” ilə 14 mükafata sahib olub.
Bölmənin digər xəbərləri
