Baş icraçı direktor: Biz müştərilərin ehtiyaclarını izləməliyik
Bakı, 1 dekabr, AZƏRTAC
Ekosistemin əsas effektlərindən biri biznes probleminin həllidir. Ekosistem sanki maqnit kimi çıxış edir. Buna misal Türkiyənin "Trendyol" şirkətidir.
AZƏRTAC xəbər verir ki, bunu "PAŞA Holding"in baş icraçı direktorunun müavini Fərid Məmmədov və ekosistem üzrə baş icraçı direktoru Bakıda keçirilən "InMerge Innovation Summit"inin ikinci günündə "Ağıllı ekosistemlərin gələcəyi: Problemsiz təcrübələr üçün texnologiyanın inteqrasiya edilməsi" adlı paneldə deyib.
“"Trendyol" şirkəti möhtəşəm bir şirkətdir. Biz müştərilərin ehtiyaclarını izləməliyik. Məsələn, geyim sahəsində "Trendyol"un elektron ticarəti bizdəkindən daha yaxşıdır. Tərəfdaşlıqların qurulması, onların işlək olmasının yollarını axtarmalıyıq. Biz bazara daxil olarkən dayanıqlı biznes yaratmaq istəyirdik. Lakin buna çox sərmayə lazım olduğunu düşündük və yanaşmamızı dəyişərək ekosistemin inkişafına istiqamətlənən fəaliyyət göstərməyə qərar verdik. Məqsədimiz insanları cəlb etmək idi və buna da nail olduq. Ekosistemin formalaşdırılmasının başlanğıcında olsaq da, geniş bir bazar yaratdıq", - deyə F.Məmmədov qeyd edib.
Bölmənin digər xəbərləri
