Baş katib: Gənc gimnastlarımızdan sürpriz nəticələr gözləyirik
Bakı, 7 mart, AZƏRTAC
Dünya Kuboku idmançılar üçün Paris Olimpiadasına lisenziya baxımından böyük əhəmiyyət kəsb edir.
AZƏRTAC xəbər verir ki, bu sözləri Azərbaycan Gimnastika Federasiyasının Baş katibi Nurlana Məmmədzadə Bakıda start götürən idman gimnastikası üzrə Dünya Kubokunun açılış mərasimindən sonra jurnalistlərə açıqlamasında deyib.
Federasiya rəsmisi bildirib ki, yığmanın üzvü Nikita Simonovun qızıl medal qazanacağına dair ümidlər böyükdür. O, Almaniyanın Kotbus şəhərində keçirilən Dünya Kubokunda 45 idmançı arasında halqalarla hərəkətdə birinci yerə layiq görülmüşdü. “Biz inanırıq ki, o, bu uğurlu çıxışını Bakı tamaşaçıları önündə də nümayiş etdirə biləcək. Gənc idmançılarımızdan da sürpriz nəticələr gözləyirik. Xüsusilə Nazənin Teymurovanın bizi sevindirəcəyini düşünürəm. Rəqiblərimiz güclüdür. Ümid edirəm ki, gimnastlarımız bu sınaqdan da üzüağ çıxacaqlar”, - deyə o əlavə edib.
Bölmənin digər xəbərləri
