BAŞ MƏŞQÇİ MİLLİ FUTBOL YIĞMA KOMANDASININ HEYƏTİNİ AÇIQLADI
AFFA-dan AZƏRTAC-a bildirmişlər ki, baş məşqçi Şahin Diniyev aprelin 3-də yığmamızın heyətini açıqlamışdır. Komandanın tərkibində qapıçılar – Fərhad Əliyev (“İnter”), Mikayıl Yusifov (“Xəzər-Lənkəran”), yarımmüdafiəçilər - Aslan Kərimov (“Qarabağ”), Emin İmaməliyev (“Bakı”), Elmar Baxşıyev (“İnter”), Rəşad Sadiqov (“Neftçi”), Ramazan Abbasov (MOİK), Elvin Nuriyev (“Gənclər birliyi”), Ceyhun Sultanov (“Bakı”), İlqar Qurbanov (“Xəzər-Lənkəran”), Rəşad Abdullayev (“Xəzər-Lənkəran”), müdafiəçilər – Rəşad Sadıqov (“Neftçi”), Azər Məmmədov (“Qarabağ”), Aftandil Hacıyev (“Neftçi”), Zaur Haşımov (“İnter”), Ramin Quliyev (“Bakı”), Sergey Sokolov (“Qarabağ”), hücumçular - Nadir Nəbiyev (“Neftçi”), Elşən Məmmədov (“İnter”), Vüqar Nadirov (“Xəzər-Lənkəran”) təmsil olunurlar.
Baş məşqçi Nazim Əliyevin rəhbərlik etdiyi “U-21” komandasının da heyəti məlumdur. Milli yığma komandaların oyunu saat 21:00-da Tofiq Bəhramov adına Respublika stadionunda, 21 yaşlı futbolçuların görüşü isə həmin gün saat 15:00-da “Şəfa” stadionunda keçiriləcəkdir.
Bölmənin digər xəbərləri
