Basketbol üzrə Azərbaycan çempionatına hazırlıq məqsədi daşıyan turnir yekunlaşıb
Bakı, 7 oktyabr, AZƏRTAC
"Sərhədçi" İdman Olimpiya Mərkəzində 28-ci Azərbaycan çempionatına hazırlıq məqsədi daşıyan turnirdə final və 3-cü yer uğrunda oyunlar keçirilib.
AZƏRTAC xəbər verir ki, üçüncü yer uğrunda görüş "NTD BK" - "Zirvə Astara BK" komandaları arasında keçirilib. Görüşə fəal başlayan NTD basketbolçuları yekunda 117-59 hesabı ilə parketdən qalib ayrıldılar.
Final qarşılaşması isə "Gəncə BK" və "AAAF Xırdalan BK" komandaları arasında keçirilib.
Qarşılaşmanın ilk dəqiqələrindən oyuna sürətli başlayan Xırdalan komandası sonda rəqibinə 101-85 hesabı ilə qalib gələrək turnirin qalibi olub.
Bölmənin digər xəbərləri
