Basketbolçu Maykl Cordan ən varlı 400 amerikalının sırasında yer alıb
Bakı, 4 oktyabr, AZƏRTAC
ABŞ-ın Milli Basketbol Assosiasiyasının (NBA) əfsanəvi basketbolçusu Maykl Cordan ən zəngin 400 amerikalının sırasına daxil olub.
AZƏRTAC xəbər verir ki, “Forbes” jurnalının tərtib etdiyi siyahıda Maykl Cordanın varidatı 3,5 milyard dollar həcmində qiymətləndirilir.
On altı illik karyerası ərzində cəmi 90 milyon dollar qazanan basketbolçu idman məhsulları nəhəngi “Nike” tərəfindən satılan “Jordan” brendindən böyük gəlir əldə edir. Təkcə ötən il o, həmin markadan 260 milyon dollar qazanıb.
“Chicago Bulls” klubu ilə altı dəfə NBA çempionu olan 60 yaşlı Maykl Cordan bu yaxınlarda “Charlotte Hornets” klubundakı səhmlərinin əksəriyyətini satıb.
Bölmənin digər xəbərləri
