BAZELDƏ ƏLAVƏ STADİON TİKİLƏCƏKDİR
AZƏRTAC xarici KİV-lərə istinadla xəbər verir ki, İsveçrənin Bazel şəhərinin yerli hakimiyyəti futbol üzrə Avropa çempionatının final mərhələsinə böyük marağı nəzərə alaraq 12 min nəfərlik əlavə stadionun tikilməsinə qərar vermişdir.
Doğrudur, bu idman arenasında futbol görüşləri keçirilməyəcəkdir. Stadionda digər futbol meydançalarında keçirilən oyunlar canlı yayımlanacaq, eləcə də keçmiş illərin futbol ulduzlarının iştirakı ilə müxtəlif şoular təşkil olunacaqdır.
Buna bənzər stadion iki il əvvəl Berlin şəhərində də tikilmişdi. O zaman azarkeşlər burada futbol üzrə dünya çempionatının bütün görüşlərinə böyük ekranda baxmaq imkanı əldə etmişdilər.
Bölmənin digər xəbərləri
