BDU-nun alimi beynəlxalq konfransda “Heydər Əliyev və qadın siyasəti” mövzusunda məruzə edib
Bakı, 9 yanvar, AZƏRTAC
Bakı Dövlət Universitetinin (BDU) Şərqşünaslıq fakültəsinin Orta Şərq dilləri kafedrasının dosenti Əsmətxanım Məmmədova Türkiyənin Kırklareli şəhərində keçirilən X Beynəlxalq Balkan sosial elmlər konfransında “Heydər Əliyev və qadın siyasəti” mövzusunda məruzə ilə çıxış edib.
Bu barədə AZƏRTAC-a BDU-dan məlumat verilib.
Məruzədə qeyd olunub ki, Azərbaycanda dövlət qadın siyasətinin əsas prinsiplərinin müəyyən edilməsi Ulu Öndər Heydər Əliyevin adı ilə bağlıdır. Azərbaycanda qadın hüquqlarının qorunması, təbliğ olunması, onlara yüksək imtiyazların verilməsi, qadınların dövlət siyasətinin həyata keçirilməsində və qanunların qəbul edilməsində iştirakının artırılması Ulu Öndərin siyasətinin ayrılmaz tərkib hissələrindən olub. Ümummilli Lider Heydər Əliyev istər sovet dönəmində, istərsə də müstəqillik illərində respublikamıza rəhbərliyi dövründə Azərbaycan qadınlarının problemlərinin həllinə, onların ölkənin siyasi, sosial, iqtisadi və mədəni həyatında rolunun artırılması məsələlərinə böyük diqqət göstərib. Məhz bu siyasətin nəticəsində Ulu Öndərin qurucusu olduğu müasir Azərbaycanın inkişafında qadınların rolu əhəmiyyətli dərəcədə artıb.
Bölmənin digər xəbərləri
