BDU-nun əcnəbi tələbəsi “Huawei İKT Müsabiqəsi”nin milli imtahan mərhələsinə vəsiqə qazanıb
Bakı, 10 dekabr, AZƏRTAC
Bakı Dövlət Universitetinin (BDU) Tətbiqi riyaziyyat və kibernetika fakültəsinin əcnəbi tələbəsi Jean-Lucien Fouf-Kagna Grebaye dekabrın 7-də “Huawei” şirkətinin təşkilatçılığı, UNESCO-nun Qlobal Bacarıqlar Akademiyasının tərəfdaşlığı ilə ali məktəb tələbələri üçün “Huawei İKT Müsabiqəsi 2025-2026”nın “Şəbəkə istiqaməti” (network track) üzrə milli imtahan mərhələsinin finalına vəsiqə qazanıb.
Bu barədə AZƏRTAC-a BDU-dan bildirilib.
BDU-nun tələbəsi bu mərhələni uğurla başa vurduğu təqdirdə milli imtahanda Azərbaycandan seçilən üç tələbədən biri olaraq dekabrın 23-də ölkəmizi müsabiqənin Yaxın Şərq və Mərkəzi Asiya üzrə regional mərhələsində təmsil edə biləcək.
Bölmənin digər xəbərləri
