BEA: Enerji səmərəliliyi ilə bağlı tədbirlər ikiqat artırılmalıdır
Bakı, 29 noyabr, AZƏRTAC
Rusiya-Ukrayna müharibəsi ilə artan enerji böhranından sonra ölkələr enerji səmərəliliyini artırır.
AZƏRTAC “Bloomberg”ə istinadla xəbər verir ki, bu barədə Beynəlxalq Enerji Agentliyinin (BEA) hesabatında bildirilir.
Hesabata görə, qlobal temperatur artımını 1,5 dərəcədə saxlamaq hədəfi çərçivəsində enerji sektorunun 2050-ci ildə sıfır emissiyaya çatması üçün enerji səmərəliliyi ilə bağlı görülən tədbirlərin həcmi ikiqat artırılmalıdır. Qlobal enerji intensivliyi keçən il 1,3 faiz yaxşılaşsa da bu, hədəfə çatmaq üçün lazım olan səviyyədən aşağıdır.
2030-cu ilə qədər enerji səmərəliliyində atılan addımları iki dəfə artırmaq öhdəliyi, BMT-nin sabah başlayacaq COP28 iqlim konfransında uğurlu nəticə əldə etmək üçün BEA-nın etdiyi 5 əsas elementindən biri kimi önə çıxır.
"Digər elementlər bərpa olunan enerji potensialının üç dəfə artırılması, neft və qaz şirkətlərinin təmiz enerjiyə keçidinin sürətləndirməsi, o cümlədən onların əməliyyatlarından metan emissiyalarının 75 faiz azaldılması, inkişaf etməkdə olan ölkələrdə təmiz enerji investisiyalarının sürətləndirilməsidir", - deyə İEA-nın hesabatında bildirilir.
Bölmənin digər xəbərləri
