BƏDİİ GİMNASTİKADA QRUP TƏMRİNLƏRİ ƏNƏNƏLƏRİ BƏRPA EDİLƏCƏK
Rusiyalı məşqçilər Azərbaycan paytaxtında gimnastlarımızı beş lent, iki cüt toppuz və üç həlqə ilə qrup təmrinlərini yerinə yetirməklə iki çıxışa hazırlamışlar. Federasiyanın mətbuat xidmətindən AZƏRTAC-ın müxbirinə bildirmişlər ki, birinci təmrin üçün musiqi müşayiəti kimi Düponun müasir melodiyaları, ikinci təmrin üçün isə N. Şirinovun “ Nağara” əsərinin və F. Əmirovun “Min bir gecə” baletinin musiqi sintezi seçilmişdir. Rusiyalı məşqçilər gimnastlarımızın məşqlərindən razı qalmışlar. İdmançılar onlar üçün yeni olan təmrinlərin hamısını uğurla mənimsəmişlər.
Növbəti toplantılara gəldikdə isə, İ. Bıstrovanın sözlərinə görə, onlar, çox güman, ya Sankt–Peterburqda keçiriləcək, ya da 3-4 aydan sonra Rusiya məşqçıləri yenidən Bakıya gələcəklər. Azərbaycanın yığma komandasının baş məşqçisi Valentina Ukleina bildirmişdir ki, təmrinlər 2005-ci ilin oktyabrında Bakıda keçiriləcək dünya çempionatı üçün hazırlanmışdır, nümunəvi çıxışlar kimi isə aprel ayında Dünya kuboku uğrunda yarışlarda təqdim ediləcəkdir.
Bölmənin digər xəbərləri
