“BELARUSNEFT” BİOYANACAQ İSTEHSAL ETMƏYƏ HAZIRLAŞIR
AZƏRTAC-ın xüsusi müxbiri Belarus Teleqraf Agentliyinə istinadla xəbər verir ki, “Belarusneft” İstehsalat Birliyi 2009-cu ildən bioyanacaq istehsalına başlayacaqdır.
Bioyanacağın istehsalı “Belarusneft”in bölmələrindən birində - Qomel vilayətinin “Osobino” kənd təsərrüfatı müəssisəsinin bazasında təşkil olunacaqdır. Burada işə salınacaq raps yağı istehsalı qurğusu ildə 30 min ton toxum yağı istehsal edəcəkdir. Alınmış yağ dizel yanacağı ilə qarışdırılıb yerli təsərrüfatlara paylanacaqdır. Bu yolla ildə 100 min ton bioyanacaq istehsal etmək planlaşdırılır.
Gələn il Qomel vilayətində həm də raps yağı emalı sexləri tikiləcəkdir.
Bölmənin digər xəbərləri
