Belçikanın “RTL” agentliyi oxucularını Brüsseldə aparılan danışıqlar barədə məlumatlandırıb
Brüssel, 9 aprel, AZƏRTAC
Belçikanın “RTL” ictimai agentliyi Azərbaycan Prezidenti İlham Əliyev və Ermənistanın baş naziri Nikol Paşinyan arasında Avropa Şurasının Prezidenti Şarl Mişelin vasitəçiliyi ilə Avropa İttifaqının paytaxtında keçirilən görüş barədə oxucularını məlumatlandırıb.
AZƏRTAC xəbər verir ki, məqalədə ümumi platformanın formalaşdırılması məqsədilə Avropa İttifaqının mənzil-qərargahında Avropa Şurasının Prezidentinin iştirakı ilə danışıqların keçirilməsi barədə danışılır. Həmin platforma əsasında gələcəkdə sülh müqaviləsinin hazırlanması mümkün olacaq. Nəşr qeyd edir ki, görüşdə sülh müqaviləsinin hazırlanması ilə bağlı işin davam etdirilməsi barədə razılığa gəlinib.
Vüqar Seyidov
AZƏRTAC-ın xüsusi müxbiri
Brüssel
Bölmənin digər xəbərləri
