Bələdiyyə sədri: Şəhid ailəsindən olan 6 nəfər işlə təmin olunub
Bakı, 30 noyabr, AZƏRTAC
Nərimanov bələdiyyəsində şəhid ailəsindən olan 6 nəfər işlə təmin olunub. 22 nəfər Vətən müharibəsi qazisinə hər ay yardım edilir. Bundan başqa, 11 nəfər şəhid övladına da tərəfimizdən dəstək göstərilir.
AZƏRTAC xəbər verir ki, bunu Azərbaycan Şəhər Bələdiyyələrinin Milli Assosiasiyasının və Nərimanov bələdiyyəsinin sədri Təmraz Tağıyev
“Azərbaycanda yerli demokratiyanın, özünüidarəetmənin və regionların inkişafında Heydər Əliyev irsi” mövzusunda noyabrın 30-da parlamentdə keçirilən ictimai dinləmədə deyib.
Ulu Öndər Heydər Əliyevin bütün sahələrdə olduğu kimi, yerli demokratiyanın, özünüidarəetmənin inkişafında rolundan danışan T.Tağıyev Ümummilli Liderlə Səttarxan adına zavodda keçirilmiş görüşlə bağlı xatirələrini bölüşüb.
Bələdiyyə sədri Nərimanov rayonunda da ağacəkmə aksiyasının təşkil edilməsini məqsədəmüvafiq hesab edib. Bildirib ki, bələdiyyənin 7 hektar ərazisi var və burada yaşıllaşdırmanın aparılması təbiət və ətraf mühitin qorunması baxımından faydalı olar.
Bölmənin digər xəbərləri
