Berlin Vaşinqtonun Beynəlxalq Cinayət Məhkəməsinə münasibətindən narahatdır
Berlin, 13 iyun, AZƏRTAC
Almaniya Xarici İşlər Nazirliyi ABŞ Prezidenti Donald Trampın Haaqa Beynəlxalq Cinayət Məhkəməsinin (BCM) üzvlərinə qarşı sanksiyalar tətbiq etmək haqqında qərarını tənqid edib.
Xatırladaq ki, bundan əvvəl Ağ ev, hərbi cinayətləri araşdırarkən Əfqanıstandakı amerikalı hərbçilərə münasibətdə guya əsassız ittihamlar irəli sürmüş BCM-ın üzvlərinə qarşı sanksiya tətbiq etmək hüququna malik olmasını bəyan etmişdi. Hərbçilərin xidmət zamanı hədlərini aşması isə hamıya məlumdur. Lakin bununla belə onlar öz vətənlərində “toxunulmaz” sayılırlar.
AZƏRTAC xəbər verir ki, Tpampın qərarına əsasən, amerikalı əsgər və zabitlərə qarşı məhkəmə işlərini aparan hakimlərin ABŞ-ın yurisdiksiyasında olan aktivləri dondurulacaq və onların ailə üzvlərinin Birləşmiş Ştatlara girişinə qadağa qoyulacaq.
Almaniyanın xarici siyasət idarəsinin bəyanatında Vaşinqtonun bu qərarı qəbul etməsi ilə bağlı dərin narahatlıq ifadə olunur. Sənəddə Berlinin “cəzasız qalmış beynəlxalq cinayətlərə qarşı mübarizədə əvəzolunmaz institut” sayılan BCM-ə tam etibar etməsi vurğulanır.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
