BƏSTƏKARLAR İTTİFAQINDA KONFRANS
Azərbaycan Bəstəkarlar İttifaqının uşaq musiqisinə həsr olunmuş plenumunun nəticələrinə dair konfrans keçirilmişdir.
Konfransı Bəstəkarlar İttifaqının birinci katibi, xalq artisti, professor Vasif Adıgözəlov giriş sözü ilə açdı.
Bəstəkarlar İttifaqı uşaq musiqisi bölməsi sədrinin müavini, dosent Elnarə Dadaşova “Azərbaycanın müstəqilliyi dövründə bəstəkarlarımızın uşaq musiqisi sahəsində yaradıcılığı”, professor İmuruz Əfəndiyeva “Azərbaycanda musiqi-estetik problemlər” mövzusunda məruzə etdilər.
Bəstəkarlar İttifaqının katibi, sənətşünaslıq doktoru, professor Ramiz Zöhrabov, xalq artisti, professor Ramiz Mustafayev, Əməkdar incəsənət xadimi, professor Sevda İbrahimova, bəstəkar Sərdar Fərəcov və başqaları konfransda çıxış etdilər.
Natiqlər uşaq musiqi kollektivlərinin, gənc musiqiçilərin ifasında plenumda nümayiş etdirilən əsərləri yüksək dəyərləndirdilər.
Bölmənin digər xəbərləri
