DÜNYA
BEYNƏLXALQ KOSMİK STANSİYADA DƏMİR YOLU
Yaxın vaxtlarda Beynəlxalq kosmik stansiyada (BKS) dəmir yolu peyda olacaqdır. NASA-nın nümayəndələri bildirmişlər ki, Amerikanın “Atlantis” kosmik gəmisinin aprel ayında nəzərdə tutulmuş uçuşunun əsas vəzifələrindən biri BKS-yə ilk 13 mertlik dəmir yolu xəttini çatdırmaq olacaqdır. Dəmir yolu bütün stansiya boyu uzanacaq və ona güclü çatılarla bərkidiləcəkdir.
“Atlantis” BKS-yə kuzovu olan lokomotiv də gətirməlidir. Lokomotiv saatda təxminən 90 metr sürətlə stansiyanın indiki və gələcək modulları arasında hərəkət edəcəkdir. Lokomotivdə qoyulacaq elektirik mühərrikinin gücü at qüvvəsinin cəmi yüzdə birinə bərabər olacaqdır, lakin bu, çəkisizlik şəraitində relslə 23 ton yükü daşımağa kifayət edəcəkdir.
İTAR-TASS-ın məlumatına görə, bütün dəmir yolu xətti yaxın iki il ərzində BKS-yə çatdırılmalıdır. Bunun üçün isə “şatlların” daha bir neçə uçuşu lazım gələcəkdir. Son nəticədə kosmik dəmir yolunun uzunluğu təxminən 110 metr təşkil edəcəkdir. NASA-nın nümayəndəsi Tom Farrell demişdir: “Bu dəmir yolu BKS-ni birgə tikən 16 ölkəni birləşdirəcəkdir”.