BEYNƏLXALQ OLİMPİADANIN QIZIL MEDALLARINA LAYİQ GÖRÜLMÜŞLƏR

10.10.2005 [02:38]
Çap et
A⁺ A^-

Bu yaxınlarda Türkiyənin İstanbul şəhərindəki Fatih kollecində “Ətraf mühitin mühafizəsi” mövzusunda beynəlxalq olimpiada keçirilmişdir. Bilik yarışında ölkəmizi Naxçıvan Muxtar Respublikasının Ordubad və Naxçıvan şəhərlərindəki türk liseylərinin 10-cu sinif şagirdləri Kəmalə Hacıyeva və Türkan Qafarova təmsil etmişlər. Onların hər ikisi bu yarışda uğurla çıxış etmiş və 45 ölkədən gəlmiş iştirakçılar arasında birinci yer tutaraq, bu nüfuzlu olimpiadanın qızıl medallarına və sertifikatlara layiq görülmüşlər.

Qalibləri olimpiadaya AMEA-nın Botanika İnstitutu Bitki ehtiyatları şöbəsinin baş elmi işçisi, tanınmış alim, biologiya elmləri doktoru, professor Mais Qasımov hazırlamışdır. O, AZƏRTAC-ın müxbiri ilə söhbətində demişdir ki, alimlərimizin şagirdlərlə vaxtaşırı görüşlər keçirərək, gənclərdə elmin müxtəlif sahələrinə maraq oyatması gələcək üçün elmi kadrların yetişdirilməsinə onların daha bir töhfəsi olardı.

BEYNƏLXALQ OLİMPİADANIN QIZIL MEDALLARINA LAYİQ GÖRÜLMÜŞLƏR

MÜƏLLİFLƏ ƏLAQƏ

Bölmənin digər xəbərləri