Bilyard üzrə Azərbaycan çempionatının vaxtı açıqlanıb
Bakı, 11 dekabr, AZƏRTAC
Azərbaycan Bilyard Federasiyası (ABF) ilə Gənclər və İdman Nazirliyinin birgə təşkilatçılığı əsasında bilyardın “pool” növü üzrə ölkə çempionatı keçiriləcək.
ABF-dən AZƏRTAC-a verilən məlumata görə, kişi və qadınlar arasında təşkil olunacaq yarış dekabrın 13–15-də Heydər Əliyev adına İdman-Konsert Kompleksində baş tutacaq.
Çempionatda ölkənin müxtəlif regionlarından güclü idmançıların iştirakı gözlənilir. Yarışlar beynəlxalq standartlara uyğun qaydalar əsasında keçiriləcək, qaliblər medal və diplomlarla təltif olunacaqlar.
Bölmənin digər xəbərləri
