BİRİNCİ KURS TƏLƏBƏLƏRİ İLƏ GÖRÜŞ KEÇİRİLMİŞDİR
Universitetin rektoru, akademik İsa Həbibbəyli tələbə adını qazanmış gəncləri təbrik etmişdir.
Çıxış edənlər tələbə adının məsuliyyətindən, ali təhsil ocağında tədrisin keyfiyyətindən bəhs edərək yeni qəbul olunanlara uğurlar diləmişlər.
Azərbaycan Milli Elmlər Akademiyası Naxçıvan bölməsinin sədri akademik İsmayıl Hacıyev Naxçıvan Dövlət Universiteti və Akademiyanın Naxçıvan bölməsi arasındakı birgə fəaliyyətindən danışmışdır.
Tədbirə yekun vuran rektor, akademik İsa Həbibbəyli universitetin əldə etdiyi uğurları, Azərbaycan Respublikasının Prezidenti İlham Əliyevin elmin inkişafına göstərdiyi qayğının ifadəsi kimi dəyərləndirmiş və təhsil ocağının bundan sonra da ümummilli liderimiz Heydər Əliyevin ideyalarına, dövlətçiliyə sadiq gənclər yetirəcəyinə əminliyini bildirmişdir. Rektor söyləmişdir ki, bu ilin may ayında açılışında Azərbaycan Prezidenti İlham Əliyevin iştirak etdiyi və ölkəmizdə oxşarı olmayan elektron kitabxana, onun zəngin bazası yeni tədris ilində tələbələrin bütün sahələr üzrə kitaba olan tələbatını ödəyəcəkdir.
Bölmənin digər xəbərləri
