Birinci Uşaq İncəsənət Festivalı: 5 gündə 280-dən çox iştirakçı qeydiyyatdan keçib
Bakı, 24 fevral, AZƏRTAC
Ümummilli Lider Heydər Əliyevin 100 illik yubileyinə həsr olunmuş Uşaq İncəsənət Festivalına qeydiyyat davam edir. Mədəniyyət Nazirliyi, Elm və Təhsil Nazirliyi, Heydər Əliyev Mərkəzinin birgə təşkilatçılığı ilə keçiriləcək festivalda iştirak etmək üçün artıq 280-dən çox uşaq qeydiyyatdan keçib.
Bu barədə AZƏRTAC-a Mədəniyyət Nazirliyindən bildirilib.
21 nominasiya üzrə istedadına, bacarığına güvənən 6-17 yaş arası hər kəsi əhatə edəcək ən irimiqyaslı uşaq festivalına siz də qoşulun! fevralın 20-dən martın 30-dək www.uif.az internet saytı üzərindən qeydiyyatdan keçərək festivalın iştirakçısına çevrilin!
Uşaqlarda mədəniyyətin müxtəlif sahələrinə maraq oyadılması, yaradıcılıq qabiliyyətlərinin inkişaf etdirilməsi, yeni istedadların üzə çıxarılması və dəstəklənməsinə xidmət edən festival haqqında əlavə məlumatları festivalın rəsmi internet saytından, (050) 2880147 mobil, 147 qısa nömrələrindən, həmçinin rəsmi sosial şəbəkə hesablarından əldə etmək mümkündür:
Rəsmi sayt - https://uif.az
E-poçt - [email protected]
Facebook - https://www.facebook.com/uif.az
Instagram - https://www.instagram.com/uif.az
Twitter - https://twitter.com/uif_az
Youtube - https://www.youtube.com/@uif_az
Tiktok - https://www.tiktok.com/@uif.az
Bölmənin digər xəbərləri
