BMT-nin Baş katibi süni intellektin yaradacağı bərabərsizlikdən danışıb
Bakı, 3 noyabr, AZƏRTAC
Birləşmiş Millətlər Təşkilatının (BMT) Baş katibi Antonio Quterreş heç bir Afrika ölkəsinin süni intellektə hazırlıq baxımından dünyanın ilk 50 ölkəsi arasında olmadığını bildirərək, süni intellektin yaradacağı bərabərsizliyə diqqət çəkib.
AZƏRTAC xəbər verir ki, o, bu fikirləri İngiltərədə keçirilən Süni İntellekt Təhlükəsizliyi Sammitində çıxışı edərkən səsləndirib.
“Gələcək bugünkü qədər yavaş olmayacaq”,- deyən Quterreş qeyd edib ki, süni intellektin əldə etdiyi sürət gözlənilməz səviyyədədir.
Süni intellektdən yaranan risklərin müxtəlif olduğunu vurğulayan BMT-nin Baş katibi bildirib ki, süni intellekt hələ də inkişaf edir və yeni həll yolları axtarır. Bununla belə, o, açıqlayaq ki, süni intellektin yeni prinsiplərə ehtiyacı yoxdur.
Quterreş bildirib ki, süni intellektə hazırlıq baxımından ilk 50 ölkə arasında Afrika ölkəsi yoxdur. Dünyanın ən az inkişaf etmiş 25 ölkəsi Afrikadadır.
Quterreş süni intellekt texnologiyalarının məhdud ölkələrin və şirkətlərin nəzarətində olduğuna diqqət çəkərək, bunu dəyişdirmək üçün sistemli bir səyə ehtiyacın olduğunu qeyd edib.
Risklərə qlobal baxışın zəruriliyinə diqqət çəkən Antonio Quterreş BMT-nin bununla bağlı atdığı addımlara da toxunub.
Yaradılan məsləhət şurasının bu sahədə aparılan işləri əlaqələndirdiyini deyən Baş katib ilin sonunda şuranın tövsiyələrini açıqlayacağını bildirib: “BMT də bu sahədə üzərinə düşən vəzifəni yerinə yetirəcək”.
Bölmənin digər xəbərləri
