BMT: Qlobal iqtisadi artım 2024-cü ildə yavaşlaya bilər
Bakı, 5 yanvar, AZƏRTAC
Qlobal iqtisadi artım 2023-cü ildəki 2,7 faizdən 2024-cü ildə 2,4 faizə enə bilər.
AZƏRTAC xəbər verir ki, bu barədə BMT-nin İqtisadi və Sosial Məsələlər Departamentinin İqtisadi Təhlil və Siyasət şöbəsinin direktoru Şantanu Mukerci brifinqdə bildirib.
"Bizim hesabatda 2023-cü ildə qlobal artımın 2,7 faiz olacağı təsbit edilib. Lakin 2024-cü il üçün proqnozumuz 2,4 faizə endirilib", - o deyib.
Mukerci həmçinin qeyd edib ki, 2024-cü ildə inflyasiyanın “hədəf 2 faiz səviyyəsinə” düşməsi lazımdır. Bununla belə, o əlavə edib ki, dünya iqtisadiyyatı hələ də “təhlükə zonasından çıxmayıb” və bu, tənəzzülə səbəb ola bilər.
Bölmənin digər xəbərləri
