BMT SƏDDAM HÜSEYNİ MÜHAKİMƏ ETMƏK İSTƏMİR

23.10.2004 [13:25]
Çap et
A⁺ A^-

AZƏRTAC xarici informasiya agentliklərinə istinadla xəbər verir ki, Birləşmiş Millətlər Təşkilatı İraqın sabiq diktatoru Səddam Hüseyni mühakimə etməkdə ölkənin müvəqqəti hökumətinə yardımçı olmaqdan boyun qaçırmışdır. Buna əsas səbəb isə İraqda ölüm hökmünün ləğv olunmamasıdır.

İraq hökuməti keçmiş Yuqoslaviyadakı cinayətlərə dair məhkəmənin baş prokuroru Karla del Ponteni prosesə cəlb etmək niyyətindədir. Lakin BMT mətbuat xidmətinin rəhbəri Stefan Düjarrik bildirmişdir ki, baş katib Kofi Annan məhkəmə prosesinə yardım göstərməkdən imtina etmişdir.

BMT baş katibinin sözlərinə görə, Millətlər Birliyinin İraq hakimlərinə yardım etmək və Karla del Ponteni Bağdada göndərmək üçün mandatı yoxdur. S.Düjarrik demişdir: “Baş katib bu yaxınlarda bildirmişdir ki, BMT ölüm hökmü çıxarıla biləcək proseslərdə iştirak etməyəcəkdir”.

BMT SƏDDAM HÜSEYNİ MÜHAKİMƏ ETMƏK İSTƏMİR

MÜƏLLİFLƏ ƏLAQƏ

Bölmənin digər xəbərləri