BOLQAR QONAQLAR İNSAN HÜQUQLARI İNSTİTUTUNDA OLMUŞLAR
Tədbirdə institutun direktoru, siyasi elmlər doktoru, professor Rövşən Mustafayev ümummilli lider Heydər Əliyevin Fərmanı ilə yaradılmış ən gənc elmi tədqiqat müəssisəsinin fəaliyyəti barədə qısa məlumat vermiş, institut tərəfindən rus dilində nəşr edilmiş, Azərbaycanda insan hüquqlarının qorunmasına, Ermənistan ordusunun torpaqlarımızda törəkdikləri vəhşiliklərə həsr olunmuş kitabları qonaqlara təqdim etmişdir.
R.Mustafayev iki ölkənin elmi əlaqələrin inkişafı istiqamətində təkliflərini vermişdir.
Azərbaycanda keçirdikləri görüşlər barədə danışan professor Z.Zaxariyev, qaçqın və məcburi köçkünlərin ağır həyat şəraiti ilə də tanış olduqlarını bildirmişdir. O, xalqımızın bu ağrılı probleminin tezliklə sülh yolu ilə həll olunmasını arzulamışdır. Elmi əlaqələrə toxunan qonaq, insan hüquqları üzrə Bolqarıstanda hər il 4-5 beynəlxalq konfransın keçirildiyini və bu tədbirlərdə Azərbaycan nümayəndələrini də görmək arzusunda olduğunu diqqətə çatdırmışdır.
Bölmənin digər xəbərləri
