BOLQARISTAN NÜMAYƏNDƏ HEYƏTİ ÖLKƏMİZDƏ SƏFƏRDƏDİR
Xarici İşlər Nazirliyinin mətbuat mərkəzindən AZƏRTAC-a bildirmişlər ki, Bolqarıstanın nüfuzlu təşkilatlarından olan Rusiya və MDB Ölkələrinin Xalqları ilə Dostluq Federasiyasının sədri Zaxari Zaxariyev, Bolqarıstan Yazıçılar İttifaqının sədri Nikolay Petev və Bolqarıstan Jurnalistlər Birliyinin sədri Milen Vilkov ölkəmizdə səfərdədirlər.
Qonaqlar çadır düşərgələrində müvəqqəti məskunlaşmış qaçqın və məcburi köçkünlərin vəziyyəti ilə yaxından tanış olmuş, Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov ilə görüşmüşlər.
Bolqarıstan nümayəndə heyətinin Xarici Ölkələrdə Yaşayan Azərbaycanlılarla İş üzrə Dövlət Komitəsində, Milli Məclisdə, Xarici İşlər Nazirliyində və bir sıra digər qurumlarda görüşləri nəzərdə tutulmuşdur.
Bölmənin digər xəbərləri
