BRAZİLİYA ALİMLƏRİ HAVADAN ELEKTRİK ENERJİSİ ALMAQ NİYYƏTİNDƏDİRLƏR
Bakı, 28 avqust (AZƏRTAC). Kampinas Universitetinin (Braziliya) alimləri havadan, yəni atmosferdən elektrik enerjisi almaq niyyətindədirlər. Onlar iddia edirlər ki, elektrik cərəyanının atmosferdə formalaşıb boşalmasının necə baş verdiyini ətraflı öyrənmişlər.
Tədqiqatçılar qrupu atmosferdəki müxtəlif yüklərdən enerji alıb, onu sənayedə istifadə etmək üçün elektrikə çevirən cihaz hazırlamaq niyyətindədir.
Lakin bu fikirlə ekspertlərin hamısı razılaşmır. Bir çoxları hesab edir ki, mexanizm tam aydın deyildir və belə “elektrik stansiyalarının” miqyası şübhəlidir.
Bölmənin digər xəbərləri
