Braziliya mətbuatı: Azərbaycan fikir ayrılıqlarına baxmayaraq, dünya ölkələrini bir araya gətirdi
Bakı, 3 mart, AZƏRTAC
Braziliyanın Dövlət Televiziya və Radio Agentliyi Qoşulmama Hərəkatının martın 2-də Bakıda keçirilən COVID-19-a qarşı mübarizə üzrə Təmas Qrupunun Zirvə görüşünü Azərbaycandan ölkəsinə birbaşa yayımlayıb.
Braziliyanın ölkəmizdəki səfirliyindən AZƏRTAC-a bildirilib ki, Agentliyin müxbir heyəti tədbirlə bağlı xəbərləri izləyicilərinə operativ çatdırıb.
Əhalisinin sayına görə dünyada altıncı yerdə qərarlaşan Braziliyanın tamaşaçılarına Azərbaycanın bu mötəbər təşkilatda sədrliyindən və fikir ayrılıqlarına baxmayaraq dünyanın bir çox ölkələrini bir gündə Bakıda toplamasından bəhs edilib. Nümunəvi lider olan Prezident İlham Əliyevin COVID-19 pandemiyasının ağır fəsadlarını aradan qaldırmaq üçün yorulmadan çalışdığı, təşəbbüslər irəli sürdüyü vurğulanıb.
Xəbərlərdə Afrika ölkələrinə xüsusi diqqət və qayğının göstərildiyi də diqqətə çatdırılıb.
Qeyd edək ki, Braziliya insan tələfatına görə COVID-19-dan ən çox zərər çəkən 5-ci ölkədir.
Bölmənin digər xəbərləri
