Britaniyalı velosipedçi: Azərbaycanda yüksək qonaqpərvərlik və xoş münasibət gördüm
Bakı, 5 iyun, AZƏRTAC
Bakını çox bəyəndim. Müasir binalar, təmiz küçələr, gülərüz insanlar yaddaşımda daim qalacaq. Bakıda velosiped idmanının BMX növü üzrə dünya çempionatı yüksək səviyyədə təşkil olunub. Veloparkda idmançıların rahatlığı üçün hər cür şərait yaradılıb. Burada yarışlar dostluq mühitində keçir.
Bunu velosiped idmanının BMX növü üzrə Bakıda keçirilən dünya çempionatının iştirakçısı, Böyük Britaniya millisinin üzvü Piter Korfild iyunun 5-də AZƏRTAC-a müsahibəsində deyib.
Azərbaycan xalqının səmimiliyinin, qonaqpərvərliyinin, eləcə də ölkəmizin gözəlliyinin onda xoş təəssürat oyatdığını vurğulayan britaniyalı velosipedçi bildirib: “Ölkənizdə insanlardan ancaq yüksək qonaqpərvərlik və xoş münasibət gördüm. Burada hər şey çox möhtəşəmdir. Azərbaycanda gördüklərim haqda mütləq dostlarıma danışacağam”, - deyə Piter Korfild bildirib.
Bölmənin digər xəbərləri
