BSU-DA 20 YANVAR FACİƏSİNƏ HƏSR OLUNMUŞ TƏDBİR KEÇİRİLMİŞDİR
Bakı, 19 yanvar (AZƏRTAC). Yanvarın 19-da Bakı Slavyan Universitetində (BSU) 20 Yanvar faciəsinə həsr olunmuş tədbir keçirilmişdir.
Tədbirdə 20 Yanvar faciəsi qurbanlarının xatirəsi bir dəqiqəlik sükutla yad edilmişdir.
BSU-nun rektoru, AMEA-nın müxbir üzvü, professor Kamal Abdullayev çıxış edərək, 20 Yanvar faciəsinin xalqın milli azadlıq mücadiləsinin təntənəsi olduğunu vurğulamışdır. Natiq bu günün öz azadlığı uğrunda mübarizə aparan xalqın SSRİ rejiminə qarşı etirazı olduğunu vurğulamışdır. Bildirmişdir ki, bu hadisələrə ilk dəfə məhz ümummilli lider Heydər Əliyev tərəfindən siyasi-hüquqi qiymət verilmişdir.
İclasda çıxış edən digər müəllim və tələbələr 20 Yanvar həqiqətlərindən danışaraq, faciənin mahiyyətinin dünya ictimaiyyətinə çatdırılmasının vacibliyindən və bu istiqamətdə gənclərin üzərinə düşən vəzifələrdən danışmışlar.
Bölmənin digər xəbərləri
