Bu gün Misli Premyer Liqasında daha iki oyun keçiriləcək
Bakı, 24 yanvar, AZƏRTAC
Bu gün Misli Premyer Liqasının XVII turunda daha iki oyun keçiriləcək.
AZƏRTAC xəbər verir ki, əvvəlcə meydana "Şamaxı" və "Qəbələ" komandaları çıxacaq. Şamaxı şəhər stadionunda təşkil olunacaq görüş saat 14:00-da başlayacaq. Meydan sahibləri 20 xalla 8-ci, qonaqlar isə 8 xalla 11-ci yerdədir.
Günün son matçında "Qarabağ" "Azərsun Arena"da "Kəpəz"lə üz-üzə gələcək. Oyun saat 16:30-da start götürəcək. Ağdam klubu 36 xalla 2-ci, Gəncə təmsilçisi isə 9 xalla 10-cu sıradadır.
Qeyd edək ki, ötən gün baş tutan görüşlərdə "İmişli" "Araz-Naxçıvan"la (2:2), "Neftçi" isə "Zirə" ilə (0:0) bərabərə qalıb. Tura yanvarın 25-də yekun vurulacaq.
Bölmənin digər xəbərləri
