“Buta Airways”in Gəncədən Moskvaya uçan təyyarəsi Volqoqrad aeroportunda məcburi eniş edib
Bakı, 10 fevral, AZƏRTAC
Sərnişinlərdən birinin halının pisləşməsi ilə əlaqədar “Buta Airways”in “J2 9817” nömrəli aviareysində hava gəmisinin kapitanı Volqoqrad aeroportunda məcburi eniş etmək qərarına gəlib.
Aviaşirkətdən AZƏRTAC-a bildirilib ki, reys Bakı vaxtı ilə saat 12:49-da Volqoqradda uğurlu eniş edib. Təyyarə Gəncə-Moskva marşrutu üzrə reysi yerinə yetirirdi.
Sərnişinə tibbi kömək göstərildikdən sonra təyyarənin göstərilən marşrut üzrə uçuşu davam etdirəcəyi gözlənilir.
Bölmənin digər xəbərləri
