BVF: Rusiyadan tədarükün azalmasından sonra Aİ-də qazın qiyməti iki dəfə artıb
Bakı, 1 dekabr, AZƏRTAC
Avropa İttifaqında qazın topdansatış qiyməti təxminən iki dəfə artıb.
AZƏRTAC xəbər verir ki, bunu Beynəlxalq Valyuta Fondunun (BVF) idarəedici direktorunun birinci müavini Gita Qopinath bildirib. O qeyd edib ki, bu, Rusiyadan birbaşa tədarüklərin həcminin azalmasından sonra baş verib.
Berlində Almaniya Dünya İqtisadiyyatı İnstitutunun mükafatının təqdim olunması mərasimində çıxış edən Gita Qopinath xatırladıb ki, Rusiya Ukraynada hərbi əməliyyata başladıqdan sonra Aİ Rusiya qazının birbaşa idxalını 2020-ci ildə ümumi qaz idxalının 20 faizdən 2023-cü ilin birinci yarısına qədər təxminən 5 faizə endirib. Eyni zamanda, birləşmə ABŞ və Norveçdən idxalı əhəmiyyətli dərəcədə artırıb.
O, etiraf edib ki, bunun üçün aparılan yenidənqurma işlərinə əlavə vəsait də sərf olunub: “Aİ-də qazın topdansatış qiymətləri hazırda təxminən iki dəfə çoxdur və ABŞ-dan əhəmiyyətli dərəcədə yüksəkdir”.
Bölmənin digər xəbərləri
