Cari ilin on ayında Tovuzda 370 nəfər işlə təmin olunmuşdur
Tovuz, 19 noyabr (AZƏRTAC). Tovuzda əhalinin məşğulluğunun təmin edilməsi sahəsində məqsədyönlü tədbirlər həyata keçirilir.
Tovuz Rayon Məşğulluq Mərkəzindən AZƏRTAC-a bildirmişlər ki, cari ilin yanvar-oktyabrında bütün idarə, müəssisə və təşkilatlarda olan boş iş yerləri barədə məlumatlar toplanmış, iş axtaran vətəndaşlara həmin yerlərə göndəriş verilmişdir.
Mərkəzə müraciət edən 1083 nəfər işaxtaran vətəndaşdan 370-i işlə təmin olunmuşdur ki, onlarında 161 nəfəri qadınlardır.
Bundan başqa, on ayda 20 nəfərə işsizlik statusu verilmiş, 23 nəfərə müavinət ödənilmiş, 10 nəfər isə peşə kursuna göndərilmişdir.
Bölmənin digər xəbərləri
