Cəbrayılda 5 hektar ərazidə “Ağıllı Tingçilik Sahəsi” yaradılır
Zəngilan, 26 yanvar, Göyçək Mahmudlu, Nicat Əlili, Vüsal Tağıyev, AZƏRTAC
“Dostluq Meşəsi” layihəsi çərçivəsində Cəbrayıl rayonunda 5 hektar ərazidə “Ağıllı Tingçilik Sahəsi” yaradılır. “Ağıllı Tingçilik Sahəsi”nin illik istehsal gücü 1,5-2 milyon ədəd ting olacaq. Açıq kök sistemli tinglərin yetişdirilməsi üçün 29 min kvadratmetr, qapalı kök sistemli tinglərin yetişdirilməsi üçün isə 15 min kvadratmetr sahə nəzərdə tutulur.
AZƏRTAC xəbər verir ki, bunu Ekologiya və Təbii Sərvətlər Nazirliyinin Meşələrin İnkişafı Xidmətinin rəis müavini Cabbar Qəribov deyib.
C.Qəribov bildirib ki, Türkiyənin Orman Genel Müdirliyi və Meşələrin İnkişafı Xidməti bu layihə çərçivəsində 73.4 hektar ərazidə meşəsalma işlərini başa çatdırıb. Onlardan 16,3 hektarı “Dostluq Meşəsi”ndə, 57,1 hektarı isə terraslarda aparılıb. Son müşahidələr əkilən 63 min 680 ədəd ağacın bitişinin düzən ərazidə 80, dağlıq ərazidə 91 faiz olduğunu göstərir.
Bölmənin digər xəbərləri
