“CƏFƏR CABBARLI” FİLMİNİN İSTEHSALI BAŞA ÇATMIŞDIR
AZƏRTAC xəbər verir ki, “Azərbaycantelefilm” Yaradıcılıq Birliyində “Cəfər Cabbarlı” sənədli filminin istehsalı başa çatmışdır. Görkəmli dramaturqumuzun həyat və yaradıcılığından danışan filmin çəkilişləri Bakıda və Xızıda aparılmışdır.
Cəfər Cabbarlının Azərbaycan Xalq Cümhuriyyəti dövründəki siyasi fəaliyyətindən, qəzet və jurnallarımızda onun mövqeyini müdafiə edən ardıcıl yazılardan söz açılan filmdə böyük sənətkar haqqında ilk dəfə xronika da verilmişdir.
Yaxın günlərdə AzTV-də tamaşaçılara təqdim olunacaq filmin ssenari müəllifi Sadıq Elcanlı, quruluşçu rejissoru Cahangir Zeynalovdur.
Bölmənin digər xəbərləri
