Azərbaycan Dövlət İnformasiya Agentliyi

Cəlilabad Olimpiya İdman Kompleksi istifadəyə verilmişdir

Cəlilabad, 31 iyul (AZƏRTAC). İyulun 31-də Azərbaycan Respublikasının Prezidenti İlham Əliyev Cəlilabad Olimpiya İdman Kompleksinin açılışında iştirak etmişdir.

Dövlətimizin başçısı Cəlilabad Olimpiya İdman Kompleksinin rəmzi açılışını bildirən lenti kəsdikdən sonra burada yaradılmış şəraitlə tanış oldu.

Binanın foyesində xalqımızın ümummilli lideri Heydər Əliyevin və Prezident İlham Əliyevin ölkəmizdə idmanın inkişafına göstərdikləri diqqət və qayğını əks etdirən fotoguşələr nümayiş olunur.

Gənclər və idman nazirinin müavini İntiqam Babayev komplekslə bağlı Azərbaycan Prezidentinə məlumat verdi.

Bildirildi ki, ən müasir standartlara cavab verən bu idman qurğusu Gənclər və İdman Nazirliyinin sifarişi əsasında tikilmişdir. İnşasına 2007-ci ildə başlanılan Cəlilabad Olimpiya İdman Kompleksinin ərazisi beş hektardır. Kompleksin qapalı idman salonunun sahəsi 1168 kvadratmetrdir. Burada 712 nəfər mini-futbol, basketbol, voleybol, güləş, cüdo, taekvondo və idmanın digər növləri üzrə yarışlara baxa biləcəkdir. Qapalı idman salonunda müxtəlif yarışların yüksək səviyyədə keçirilməsi üçün hər cür şərait yaradılmışdır. Salonun döşəməsi xüsusi texnologiya əsasında quraşdırılmışdır ki, bu da yarışların yüksək səviyyədə keçirilməsinə imkan yaradır. İkinci mərtəbə də genişliyi və müasirliyi ilə diqqəti cəlb edir. Burada müxtəlif iş otaqları və idman salonları yerləşir.

Diqqətə çatdırıldı ki, Azərbaycan Atıcılıq Federasiyasının quraşdırdığı pnevmatik tirdə Almaniya istehsalı olan avadanlıqdan istifadə olunmuşdur. Burada “Hörinq” şirkətinin texnologiyası əsasında atıcılıq növü üzrə idmançıların hazırlığı aparılır. İdman qurğusunda geniş trenajor salonu fəaliyyət göstərir. İdmanın on yeddi növü üzrə müxtəlif avadanlığın quraşdırıldığı kompleksdə arzu edənlər bilyard və stolüstü tennislə də məşğul ola bilərlər. Şahmat otağında eyni vaxtda 10 nəfərə bu qədim oyunun sirləri öyrədiləcəkdir. Divarda quraşdırılan lövhə vasitəsilə gənclərə şahmatın incəlikləri tədris olunacaqdır.

Bildirildi ki, beşzolaqlı üzgüçülük hovuzu da ən müasir standartlara cavab verir. Hovuzun uzunluğu 25, eni 12,5 metrdir. Burada ən müasir nəmalma, havalandırma və istilik sistemi quraşdırılmışdır. Beş yüz kubmetrlik su tutumu olan hovuzun dərinliyi 1,2 metrdən 1,8 metrə qədərdir. İstər üzgüçülər, istərsə də idmanın digər növləri ilə məşğul olanlar üçün ən müasir standartlara cavab verən soyunub-geyinmə otaqları, duş və sauna yaradılmışdır. Kompleksdə cüdoçular üçün xüsusi salon fəaliyyət göstərəcəkdir. Taekvondoçuların məşqləri üçün də hərtərəfli şərait vardır. Dövlətimizin başçısına bildirildi ki, bu Olimpiya İdman Kompleksində də mükəmməl infrastruktur yaradılmışdır.

Azərbaycan Prezidenti kompleksin ərazisində inşa edilmiş üçmərtəbəli mehmanxana ilə də tanış oldu. Birinci mərtəbədə konfrans zalı fəaliyyət göstərir. Burada müxtəlif tədbirlərin keçirilməsi üçün hərtərəfli şərait mövcuddur. Mühafizə otağı ən müasir avadanlıqla təchiz edilmişdir. Əlli nəfərlik yeməkxana da müasirliyi ilə seçilir. Mehmanxananın ikinci və üçüncü mərtəbələrində bir lüks və 11 yarımlüks otaq vardır. Mehmanxananın eyvanından ətrafın göz oxşayan mənzərəsini seyr etmək mümkündür.

Prezident İlham Əliyevə bildirildi ki, ərazidə süni örtüklü futbol meydançası yaradılmışdır. Futbol meydançasının tribunalarında 963 tamaşaçı yeri vardır. Meydançanın kənarında iki qaçış zolağı yaradılmışdır. Futbol meydançasından başqa, ərazidə tennis kortu, basketbol və voleybol meydançaları da vardır. Ərazidə 500 ağac və koldan ibarət yaşıllıq zolağı salınmışdır. Burada artezian quyusu qazılmış, su anbarları və qazanxana quraşdırılmışdır. Qrunt sularından mühafizə məqsədi ilə drenaj sistemi yaradılmışdır.

Dövlətimizin başçısı Cəlilabad Olimpiya İdman Kompleksi ilə yaxından tanış olduqdan sonra burada rayon ictimaiyyətinin nümayəndələri ilə görüşdü.

Rayon ictimaiyyətinin nümayəndələrini salamlayan Prezident İlham ƏLİYEV dedi:

- Mən sizin hamınızı ürəkdən təbrik edirəm! Cəlilabad Olimpiya İdman Kompleksinin açılışı çox böyük hadisədir. Mən çox şadam ki, bu gün biz sizinlə bərabər bu gözəl kompleksin açılışında iştirak edirik.

Doğrudan da bu, Cəlilabad rayonu üçün, Azərbaycanın hərtərəfli inkişafı üçün, Azərbaycanda idmanın inkişafı üçün çox vacib olan məsələdir. Mən çox şadam ki, bu kompleks xarici görünüşü və daxili tərtibat baxımından bütün standartlara cavab verir. Həm gözəl üzgüçülük hovuzu, həm böyük idman zalı, trenajor zalı, açıq meydançalar, stadion, mehmanxana. Yəni, əslində bu, təkcə idman qurğusu deyildir. Bu, ümumiyyətlə rayonun inkişafı üçün və Cəlilabadda gedən sürətli inkişaf üçün çox vacib olan obyektdir.

İdman bizim cəmiyyətimizin ayrılmaz hissəsidir. İdmana böyük diqqət göstərilir. Bütün yerlərdə, bütün bölgələrdə olimpiya idman kompleksləri tikilir və hər yeni Olimpiya İdman Kompleksi əvvəlkindən fərqlənir, daha da gözəlliyi, daha böyük funksional cəhəti ilə. Cəlilabad Olimpiya İdman Kompleksi də əvvəlki illərdə tikilmiş komplekslərdən fərqlənir və əminəm ki, bu kompleks Cəlilabad idmançılarına və rayon sakinlərinə xidmət edəcəkdir.

Burada, əlbəttə ki, idman bölmələri yaradılacaqdır. Eyni zamanda, rayon sakinləri də burada öz asudə vaxtlarını keçirə bilərlər. İdman, fiziki sağlamlıq bizim üçün çox vacibdir. İnsanların sağlamlığı, o cümlədən insanların idmana olan münasibətindən asılıdır.

Bizdə idman siyasəti yüksək səviyyədə aparılır. İdmançılarımız hazırda Londonda Olimpiya Oyunlarında yarışırlar. Biz onları oraya böyük ümidlərlə göndərmişik və əminəm ki, yaxşı nəticələr olacaqdır. Artıq birinci medal qazanılıbdır. Əminəm ki, medalların sayı daha da çox olacaqdır. Gələcəkdə Azərbaycanın idman şöhrətini daim yüksəklərdə saxlamaq üçün idmanın kütləviliyi daha da geniş şəkildə təmin edilməlidir. Bütün bölgələrdə yaradılan olimpiya idman kompleksləri məhz bu məqsədi güdür. Uşaqlar, yeniyetmələr uşaqlıq yaşlarından idmana cəlb olunsunlar, idman ilə məşğul olsunlar, fiziki cəhətdən sağlam olsunlar və peşəkar idmançı olsunlar.

Mən şadam ki, Cəlilabadda da artıq Olimpiya İdman Kompleksi vardır. Cəlilabadda idman ənənələri həmişə olmuşdur. İdman ilə məşğul olmaq üçün şərait o qədər də yaxşı olmamışdır. Ancaq indi biz bu boşluğu da artıq aradan götürürük. Bu kompleks ilə yanaşı, mən bu gün Cəlilabadda bir sıra digər obyektlərin açılışında iştirak etmişəm. Çox şadam ki, rayon sürətlə və hərtərəfli şəkildə inkişaf edir.

Əvvəlki səfərlərimdə Diaqnostika Mərkəzinin, digər obyektlərin açılışında iştirak etmişəm. Heydər Əliyev Seyrəngahı möhtəşəm bir mərkəzə çevrilibdir. Bu gün isə yeni parkların açılışında iştirak etmişəm. Gənclər Parkı, sonra şəhərin içərisindəki köhnə park tamamilə yenidən qurulmuşdur. Gənclik Evi tikilmişdir. Quşçuluq fabriki, sonra taxıl anbarı, məktəblər tikilib, binalar bərpa olunub. Mən çox şadam ki, inkişaf çox sürətlə gedir.

Eyni zamanda, bu gün kənd yolunun açılışında iştirak etmişəm. Bu da çox vacibdir. Hazırda Azərbaycanda kənd yollarının tikintisi prosesi geniş vüsət almışdır. O cümlədən Cəlilabad rayonunda 17 kilometr uzunluğunda kənd yolunun tikintisi başlamışdır. Onun əhatə etdiyi kəndlərdə 20 mindən artıq əhali yaşayır. Cəlilabadda kəndlərin sayı çoxdur, təqribən 200-yə yaxındır. Biz tədricən bütün kənd yollarını yaxşı vəziyyətə salmalıyıq.

Bir rayonda görülən işlər, bir gün ərzində iştirak etdiyim açılışlar ölkəmizin dinamik inkişafını təsdiqləyir. Həm iqtisadi sahədəki işlər, regionların inkişafı, iş yerlərinin açılması, abadlıq-quruculuq tədbirləri, həm də idman obyektlərinin, kənd yollarının açılışı, tikintisi ölkəmizin dinamik inkişafını göstərir. Gələcək illərdə bu inkişaf daha da sürətli olmalıdır. Əvvəlki illərdə görülən işlər deməyə əsas verir ki, artıq biz böyük uğurlara nail ola bilmişik. İndi infrastruktur layihələri icra edilir. Mən maraqlandım, icra başçısı məlumat verir ki, Cəlilabadda qazlaşdırma prosesi bir az ləng gedir. Mən Bakıya qayıdandan sonra əlavə göstərişlər verəcəyəm ki, qazlaşdırma daha da sürətli getsin. Rayon mərkəzi tamamilə qazlaşdırılmalıdır və bu, belə də olacaqdır. Çalışmalıyıq ki, kəndlərin də mütləq əksəriyyəti qazlaşdırılsın. Buna imkan vardır. Regionların sosial-iqtisadi inkişafı Dövlət Proqramında bu məsələlər öz həllini tapmalıdır. Çalışmalıyıq ki, gələn ilin sonuna qədər qazlaşdırma məsələlərini tamamilə yekunlaşdıraq.

Hazırda vacib infrastruktur layihələrinin arasında su və kanalizasiya layihələridir. Bu məsələlər də gələn ilin sonuna qədər yekunlaşmalıdır. Artıq bu işlər başlamışdır. Dövlət büdcəsində vəsait vardır. Cəlilabad şəhəri və ətraf kəndlər ilk növbədə su və kanalizasiya sistemi ilə təmin edilməlidir. Bu, çox böyük layihədir. Çünki bu layihə hər bir rayonda icra edilir, böyük vəsait və böyük zəhmət tələb edir. Keçmişdə ümumiyyətlə bölgələrdə kanalizasiya sistemi olmamışdır. Heç Bakının da kanalizasiya sistemi lazımi səviyyədə olmamışdır. İçməli su daim problem olmuşdur. Biz bu məsələni birdəfəlik həll edəcəyik. Beləliklə, biz insanları ən çox narahat edən problemləri tədricən aradan qaldırırıq.

Sahibkarlıq üçün yeni şərait, gözəl imkanlar yaradılır, kreditlər verilir. Kənd təsərrüfatı inkişaf edir. Cəlilabadda kənd təsərrüfatının inkişafına xüsusilə böyük diqqət verilməlidir. Çünki bildiyiniz kimi, vaxtilə ulu öndər Heydər Əliyevin təşəbbüsü ilə Cəlilabadda böyük üzüm bağları salınmışdı. Əfsuslar olsun ki, 1980-ci illərin sonlarında sovet rəhbərliyi tərəfindən çox yanlış siyasət aparılmışdır. Bütün üzüm bağları məhv edilmişdir. Onların bərpası indi çox çətin məsələdir. Ancaq buna baxmayaraq bu məsələ də tədricən öz həllini tapmaqdadır. Yəni, burada üzümçülüyün böyük ənənələri olmuşdur. Üzümçülüyün fermerlərə, kəndlilərə nə qədər xeyirli olduğunu biz hamımız yaxşı bilirik. Təsadüfi deyildir ki, keçən ilin sonunda Azərbaycanda üzümçülüyün inkişafına dair mənim tərəfimdən Sərəncam imzalanmışdır, Dövlət Proqramı qəbul edilmişdir. Biz çalışacağıq ki, üzümçülüyü sürətlə inkişaf etdirək. Bu istiqamətdə Cəlilabadın üzərinə ən böyük məsuliyyət düşür. Çünki biz vaxtilə salınmış bağları bərpa etməliyik, yenidən salmalıyıq və üzümçülüyün inkişafına nail olmalıyıq.

Kənd təsərrüfatının digər istiqamətləri üzrə də Cəlilabadda böyük imkanlar, böyük potensial vardır. İndi biz fermerləri texnika ilə də təmin edirik. Sumqayıtda gübrə zavodu tikilir. İndi biz özümüzü gübrələrlə təmin edəcəyik.

Rayonun turizm potensialı vardır. Ancaq bu vaxta qədər həmin potensialdan istifadə olunmayıb. Çünki yenə də infrastruktur olmadıqda bunu etmək mümkün deyildir. İndi yeni kənd yollarının tikintisi nəticəsində Cəlilabadın dağlıq əraziləri də artıq rayon mərkəzi ilə birləşəcək və o ərazilərdə, gözəl yerlərdə turizm obyektləri, otellər tikilməlidir və tikiləcəkdir.

Mən bir daha demək istəyirəm və çox şadam ki, Cəlilabadın inkişafı çox sürətlidir. Şəhər simasını dəyişir, müasirləşir, abadlaşır, gözəl binalar tikilir. Köhnə binalar bərpa edilir. Bir sözlə, inkişaf, dinamika var və bu dinamika gələcək illərdə də saxlanılmalıdır. Cəlilabad daha da sürətlə inkişaf etməlidir və edəcəkdir.

Bir daha sizi bu gözəl binanın - Olimpiya İdman Kompleksinin açılışı münasibətilə təbrik edirəm, sizə cansağlığı arzulayıram.

 

X X X

Azərbaycanın basketbol üzrə milli komandasının üzvü, Birinci İslam Ölkələri Olimpiadasının qalibi, on beş qat Azərbaycan çempionu Zaur PAŞAYEV ölkədə idmanın inkişafına göstərdiyi yüksək diqqət və qayğıya görə idmançılar adından dövlətimizin başçısına minnətdarlığını bildirərək dedi:

- Bu gün rayonumuzun sakinləri və biz gənclər üçün çox əlamətdar bir gündür. Belə bir gözəl kompleksi bizə bəxş etdiyinizə görə Sizə minnətdarlığımızı bildiririk.

Bildiyiniz kimi, bütün dünyanın gözü London Olimpiya Oyunlarındadır. Orada idmançılarımızın çıxışını görəndə qəlbimiz fərəh hissləri ilə dolur. Bu, Sizin Azərbaycanda idmana göstərdiyiniz qayğının böyük bir nümayişidir. Bu, bir daha onu göstərir ki, Azərbaycanda Olimpiya hərəkatı yüksək səviyyədə inkişaf edir, güclənir. Bir daha demək istəyirəm ki, idmançılarımız Olimpiya Oyunlarında bayrağımızı yüksəklərə qaldıracaqlar və Azərbaycanımızın himnini səsləndirəcəklər.

Cəlilabad da gündən-günə inkişaf etməkdədir, gözəlləşməkdədir. Gözəl yollar çəkilir, məktəblər tikilir, parklar salınır. Buna görə də Sizə minnətdarlığımızı bildiririk, çox sağ olun deyirik, cənab Prezident! Sağ olun.

 

X X X

Sonda xatirə şəkli çəkdirildi.

 

Xəbəri sosial şəbəkələrdə paylaşın

Bizi sosial şəbəkələrdə izləyin

Yeni rekord: Mərakeş cəmi 5 ay ərzində 7 milyondan çox turist qəbul edib

Rüşvət müqabilində çağırışçıları hərbi xidmətdən yayındırmaqda təqsirləndirilən vəzifəli şəxslər barəsində cinayət işi məhkəməyə göndərilib

Əmək və əhalinin sosial müdafiəsi naziri Zaqatalada vətəndaşların müraciətlərini dinləyib

Doktorantura və dissertanturaya xarici dil fənni üzrə qəbul və fəlsəfə doktoru imtahanı keçiriləcək

Teymur Musayev: Orta tibb işçiləri səhiyyə sisteminin əsas sütunlarıdır

Qobustan Rayon Mərkəzi Xəstəxanasına mediatur təşkil olunub

“Real Madrid”in xorvatiyalı sabiq futbolçusu: “Zirə” meydanda özünü yaxşı tərəfdən göstərən komandadır – EKSKLÜZİV MÜSAHİBƏ

Maqsud İbrahimbəyov Yaradıcılıq Mərkəzində “Zeynəbin sehrli dünyası” adlı sərginin açılışı olub

Prezident İlham Əliyev UFC-nin prezidentini qəbul edib

“Opera günləri” layihəsi çərçivəsində “Əsli və Kərəm” operası təqdim olunub

Opera və Balet Teatrı “Qu gölü” baletini Heydər Əliyev Sarayının səhnəsində təqdim edib

“Araz-Naxçıvan” iki futbolçu ilə yeni müqavilə imzalayıb

Həbib Nurməhəmmədov və İslam Maxaçev “Qarabağ”ın bazasında olublar

Aprel döyüşləri zamanı Ermənistan tərəfindən hərbi əməliyyatlara rəhbərlik etmiş generalların adları məhkəmədə açıqlanıb

Qara Qarayev: Konfrans Liqasının oyunlarının məsuliyyətini başa düşürük

Çin Rusiyadan neft idxalını azaldıb

Tanzaniyalı gənc ekofəal: COP29 ən önəmli tədbirlərdən biri olub

Bərdədə satış mağazasında yararlılıq müddəti bitmiş məhsullar aşkarlanıb

Azərbaycan ilə Küveyt kənd təsərrüfatı sahəsində əməkdaşlıq edəcək FƏRMAN

“Azərbaycan Respublikası Hökuməti ilə Küveyt Dövləti Hökuməti arasında kənd təsərrüfatı sahəsində əməkdaşlıq haqqında Anlaşma Memorandumu”nun təsdiq edilməsi barədə
Azərbaycan Respublikası Prezidentinin Fərmanı

“Kəmər və Yol” Təşəbbüsünün Birgə Təşviqi üzrə Əməkdaşlıq Planı” təsdiqlənib FƏRMAN

“Azərbaycan Respublikası Hökuməti ilə Çin Xalq Respublikası Hökuməti arasında “Kəmər və Yol” Təşəbbüsünün Birgə Təşviqi üzrə Əməkdaşlıq Planı”nın təsdiq edilməsi haqqında
Azərbaycan Respublikası Prezidentinin Fərmanı

“Azərbaycan” məhəlləsi qardaşlığın və birliyin rəmzidir ŞƏRH

Prezident İlham Əliyev Azərbaycan ilə Çin arasında beynəlxalq multimodal daşımalar haqqında Sazişi təsdiqləyib

“Azərbaycan Respublikası Hökuməti ilə Çin Xalq Respublikası Hökuməti arasında beynəlxalq multimodal daşımalar haqqında Saziş”in təsdiq edilməsi barədə
Azərbaycan Respublikası Prezidentinin Fərmanı

“Sabah”ın yeni baş məşqçisi müəyyənləşib

Argentinada işsizlik son dörd ilin ən yüksək səviyyəsinə çatıb

ADA Universitetində Məzun günü keçirilib

Kahramanmaraşdakı “Azərbaycan” məhəlləsi regionun gələcək potensialının simvoludur ŞƏRH

“Zirə”nin portuqaliyalı qapıçısı: “Hayduk”la matçlarda özümüzü meydanda döyüşçü kimi göstərməliyik

RF rəsmisi Ermənistanın hava məkanını Rusiya təyyarələri üçün bağlaması ehtimalından narahatlıq ifadə edib

Assosiasiya rəsmisi: İqlim və digər amillər kənd təsərrüfatı məhsullarının qiymətinə təsir edir

“AzerGold” QSC-nin yerli bazarda satış gəlirləri 238 faiz artıb

Hesabat: İnkişaf etməkdə olan ölkələrdə təhsil və səhiyyənin maliyyələşdirilməsi borcların restrukturizasiyasını zəruri edir

“Heydər Əliyev. Müstəqilliyimiz əbədidir” çoxcildliyinin təkrar nəşrinin 7-ci kitabı çapdan çıxıb

Media: Estoniya Rusiya ilə sərhəddə müdafiə xətti tikir

İsrail Tehrana silsilə zərbələr endirib

Kahramanmaraşdakı “Azərbaycan” məhəlləsi xalqlarımız arasındakı birliyin əbədiliyini bir daha bütün dünyaya nümayiş etdirdi - RƏY

Həbib Nurməhəmmədov və İslam Maxaçev Bakıya gəliblər

Sabah hava əsasən yağmursuz olacaq

İqtisadiyyat nazirinin müavini Zaqatalada vətəndaşlarla görüşəcək

“Azərbaycan və Türkiyə dünya siyasətində” mövzusunda beynəlxalq simpozium keçirilib

Nandan Qautam: Yoqa - xoşbəxt olaraq qalmaq bacarığıdır MÜSAHİBƏ

Cəlilabadda 9 yaşayış məntəqəsinin yolu yenidən qurulur VİDEO

Cəlilabadda 9 yaşayış məntəqəsinin yolu yenidən qurulur VİDEO

® “Azercell”in “DataMinds” bootcamp proqramına qeydiyyat davam edir

İsrail və İranın qarşılıqlı hava hücumları davam edir

Cəbiş müəllim obrazı ilə yaddaşlara hopmuş Süleyman Ələsgərovun bu gün doğum günüdür

Yaponiyada istivurma nəticəsində ölüm və xəstəlik halları artır

NİİM: Yolun hərəkət hissəsindən keçən iki piyadadan birini avtomobil vurub

“İdarəetmədə multikultural dəyərlər” mövzusunda elmi-praktik konfrans keçirilib

İTSDA-nın şöbə müdiri: Onkoloji xidmətlərin icbari tibbi sığortanın Xidmətlər Zərfinə daxil edilməsi istiqamətində iş aparılır

İtaliyada nəqliyyatçılar tətil edirlər

Neftçi olmaq istəyən abituriyent imtahanda 400 bal topladı - REPORTAJ

Kahramanmaraşda “Azərbaycan” məhəlləsinin açılması Türkiyə və Şimali Kipr mediasının diqqət mərkəzində olub

Son beş ayda müavinətlər üzrə 460, Prezident təqaüdləri üzrə 290 milyon manat ödənilib

UEFA Konfrans Liqası: “Zirə” – “Hayduk” matçının vaxtı bəlli olub

Qobustan Rayon Mərkəzi Xəstəxanasının direktoru: Regional mərkəzlərin yaradılması əsas məqsədlərimizdəndir

İsveçdə relsdən çıxan tramvay binaya çırpılıb

İqtisadiyyatın “dəmir damarı”

Azərbaycana Çinin Çjentszyan əyalətindən tranzitlə Türkmənistandan keçən yükdaşıma marşrutu açılıb

Ötən gün vətəndaşların bank hesablarından 24 min manatdan çox vəsait oğurlanıb

Avstraliya öz vətəndaşlarının İrandan təxliyəsinə görə Azərbaycana təşəkkür edib

Arxeoloji ekspedisiya: Xaraba Gilanda İçərişəhərə və Narınqalaya gedən yollar aşkar olunub

Tahir Gözel BMT tərəfindən təşkil olunan Okean Konfransına qatılıb

TƏBİB-in tabeliyində fəaliyyət göstərən tibb müəssisələrində beş ayda 10 milyondan çox müraciət qeydə alınıb

İqlimşünas alimlər: Qlobal istiləşməni dayandırmaq üçün bəşəriyyətin iki ili qalıb

Klublararası dünya çempionatı: “Atletiko Madrid”dən asan qələbə, PSJ-dən gözlənilməz məğlubiyyət

Rusiya Prezidentinin xüsusi nümayəndəsi: Rusiya şirkətlərinə Azərbaycana investisiya qoymağı məsləhət görürəm

NBA: Final seriyasında hesab bərabərləşib

Prezident İlham Əliyev Özbəkistanın investisiya, sənaye və ticarət nazirini qəbul edib VİDEO

Prezident İlham Əliyev Özbəkistanın investisiya, sənaye və ticarət nazirini qəbul edib VİDEO

DİN-in Hərbi İnstitutunda növbəti buraxılış olub

Bölgələrdə Məhsul festivallarına start verilir

İyunun 20-si Ümumdünya Qaçqınlar Günüdür

Qazaxda arpa biçininə başlanılıb

Dünya bazarında qızıl və gümüş ucuzlaşıb

Azərbaycan neftinin qiyməti 82 dolları ötüb

Dünya birjalarında neft ucuzlaşıb

Dünya çempionatı: Azərbaycan cüdo millisi Almaniya yığması ilə qarşılaşacaq

“Məktəbəqədər təhsildə liderlik” proqramının II çağırışı üzrə qəbul elan olunur

Yasamalda yanğın təhlükəli şirniyyat istehsalı və satışı obyektinin fəaliyyəti dayandırılıb

Bu gün görkəmli bəstəkar Cahangir Cahangirovun doğum günüdür

Bakıda keçiriləcək UFC turnirində iştirak edəcək idmançıların rəsmi çəkiölçmə mərasimi keçirilib

® "Araz"ın ilk "ZooShop" mağazası fəaliyyətə başladı

Sankt-Peterburqda MDB xəbər agentliklərinin iclası keçirilib

Cinayət törətməkdə şübhəli bilinən 42 nəfər saxlanılıb

Diplomatik korpus nümayəndələrinin Laçına səfəri başlayıb

Avropa ölkələri və İranın xarici işlər nazirləri İsveçrədə görüşəcəklər

Qulaqlıqda yüksək səslə musiqi dinləmək demensiya riskini artıra bilər

İqlim dəyişikliyi tənəffüs problemlərinin ağırlaşmasına səbəb ola bilər - ARAŞDIRMA

Britaniyalılar yenidən Avropa İttifaqına qayıtmaq istəyir

Meksika televiziyasında Azərbaycanın dünyada artan nüfuzundan danışılıb

Papa Leo: Günahsız insanlar ölür, silah istifadəsindən qaçmalıyıq

Daxili nitq terapiyası autizmli uşaqlarda emosional tənzimləməyə kömək edə bilər - ARAŞDIRMA

2024-cü ildə dünyada birbaşa xarici investisiyaların həcmi 11 faiz azalıb

Uzunmüddətli gəzinti xroniki belağrısı riskini azalda bilər – TƏDQİQAT

İspaniya NATO-nun hərbi xərcləri ÜDM-in 5 faizinə çatdırmaq təklifini rədd edib

Almatıda Türk Opera Sənəti Festivalı keçirilir

Müdafiə Nazirliyi: Türkiyə regionda gərginlik fonunda dövlət sərhədinin mühafizəsinə dair tədbirləri gücləndirib

XİN rəsmisi: Bakıda keçirilmiş COP29 zamanı iqlim dəyişikliyi ilə mübarizədə konkret icra mexanizmləri təqdim edilib VİDEO

XİN rəsmisi: Bakıda keçirilmiş COP29 zamanı iqlim dəyişikliyi ilə mübarizədə konkret icra mexanizmləri təqdim edilib VİDEO

Çində daşqın təhlükəsi ilə əlaqədar 70 min sakin təxliyə edilib