“CƏMİYYƏTDƏ QADININ ROLU” MÖVZUSUNDA KONFRANS
Qadın Problemləri üzrə Dövlət Komitəsində “cəmiyyətdə Qadının rolu” mövzusunda konfrans keçirilmişdir. Konfransda komitənin müxtəlif rayonlardakı nümayəndələri, habelə müdafiə və ədliyyə nazirliklərinin təmsilçiləri iştirak edirdilər. Tədbiri dövlət komitəsinin sədri Zəhra Quliyeva açmışdır. Sonra sədrin müavini Dilruba Camalova, beynəlxalq əlaqələr şöbəsinin müdiri Möminət Ömərova çıxış edərək, ölkənin ictimai-siyasi həyatında qadınların rolunu gücləndirmək məqsədi ilə komitənin həyata keçirdiyi tədbirlərdən, onların müxtəlif beynəlxalq konfranslarda iştirakından danışmışlar. Konfransda bölgələrin nümayəndələri də çıxış etmişlər.
Konfrans başa çatdıqdan sonra iştirakçılara hüquq ədəbiyyatı, ixtisaslaşdırılmış nəşrlər paylanmışdır.
Bölmənin digər xəbərləri
