Cənubi Afrika Respublikası ictimaiyyəti Xocalı soyqırımı haqqında məlumatlandırılmışdır
Bakı, 27 fevral (AZƏRTAC). Azərbaycan Respublikasının Cənubi Afrika Respublikasındakı səfirliyi və bu ölkədə fəaliyyət göstərən “Azərbaycanın Dostları” İctimai Birliyi Xocalı soyqırımının 22-ci ildönümü ilə əlaqədar CAR ictimaiyyətinə və dövlət qurumlarına bəyanatlar ünvanlamışlar.
Səfirlikdən AZƏRTAC-a verilən məlumata görə, bəyanatlarda Xocalıda ermənilər tərəfindən törədilmiş soyqırımının ağır nəticələri, Ermənistan-Azərbaycan, Dağlıq Qarabağ münaqişəsi haqqında ətraflı məlumat verilmişdir. Azərbaycanın Dağlıq Qarabağ münaqişəsinin həlli ilə bağlı ədalətli mövqeyi diqqətə çatdırılmışdır.
Bəyanatda beynəlxalq ictimaiyyət Ermənistanın təcavüzkar siyasətinə qarşı qəti mövqedə dayanmağa və Xocalı soyqırımını tanımağa çağırılmışdır.
Bölmənin digər xəbərləri
