Cənubi Afrika Respublikasında şəkərli içkilərə vergi tətbiq ediləcək
Bakı, 30 mart, AZƏRTAC
Cənubi Afrika Respublikasının (CAR) Milli Xəzinədarlıq İdarəsi şirinləşdirilmiş içkilər üçün 2019-cu ilin yeniləşdirilmiş dövlət büdcəsində nəzərdə tutulan vergi ilə bağlı açıqlama yayıb.
AZƏRTAC xarici KİV-lərə istinadla xəbər verir ki, açıqlamaya görə, tərkibində hər 100 millilitr hesabına 4 qramdan çox şəkər olan içkilərə vergi tətbiq olunacaq. Bu vergi ölkənin özündə istehsal edilməsindən və ya kənardan idxal edilməsindən asılı olmayaraq, tərkibində göstərilən həddən yuxarı şəkər olan bütün içkilərə tətbiq ediləcək.
Bu addım ölkədə şirin içkilərin istehlakına ciddi şəkildə təsir göstərmək məqsədi daşıyır. Belə ki, bütün dünyada bu cür fiskal tədbirlər piyləmə epidemiyası ilə mübarizəyə kömək üçün əlavə təsirli alət kimi qəbul olunur.
Bölmənin digər xəbərləri
