“CƏNUBİ QAFQAZDA NARKOTİKLƏRƏ NƏZARƏT” PROQRAMI ÇƏRÇİVƏSİNDƏ KONFRANS KEÇİRİLMİŞDİR
Tədbirdən məqsəd QHT-lərin diqqətini bir daha narkomaniya probleminə yönəltmək, hökumət və qeyri-hökumət təşkilatlarının bu sahədə əməkdaşlığının öncül istiqamətlərini müəyyənləşdirmək idi.
Baş nazirin müavini, Narkomanlığa və Narkotik Vasitələrin Qanunsuz Dövriyyəsinə Qarşı mübarizə üzrə Dövlət Komissiyasının sədri Əli Həsənov çıxışında bildirdi ki, dövlət narkomaniya ilə mübarizə sahəsində fəaliyyətini ardıcıl olaraq davam etdirir və bu işə QHT-lərin cəlb olunmasına tərəfdardır. O, konfrans iştirakçılarının diqqətini Ermənistan tərəfindən işğal olunmuş ərazilərimizdə narkotik xassəli bitkilərin becərildiyinə, bu ərazilərdən narkotik vasitələrin dövriyyəsində marşrut kimi istifadə edilməsinə yönəltdi.
Milli Məclisin sosial siyasət daimi komissiyasının sədri Hadi Rəcəbli narkomaniya ilə mübarizədə QHT-lərin istirakını müsbət qiymətləndirdi.
Konfransda Daxili İşlər Nazirinin birinci müavini Zahid Dünyamalıyev, Avropa Birliyinin eksperti Patrik O’Qorman, YUNİSEF-in, ölkəmizdə fəaliyyət göstərən beynəlxalq humanitar təşkilatların, ABŞ, Böyük Britaniya, Almaniya və İtaliya səfirliklərinin, QHT-lərin nümayəndələri iştirak edirdilər.
Bölmənin digər xəbərləri
